Hundebesitzer (unscheinbarer älterer Herr), Hund (unscheinbarer Bastard), Spaziergänger (ebenfalls unscheinbar)
Hund springt am Spaziergänger hoch.
Spaziergänger: Nehmans Ihrn Hund weg! Herrschaftszeiten, ruafns Ihr Viehch zruck!
Hundebesitzer: Montezuma, sitz, Plotz, aos!
Hund springt weiter, wedelt mit dem Schwanz.
Hundebesitzer: Der mocht nix. Hams ka Aungst, der is brav.
Spaziergänger: Des haaßts bä jedem Hund. Bis daß er noch zuaschnoppt.
Hund sitzt und wedelt mit dem Schwanz.
Hundebesitzer: Ower der mocht wirklich nix. Des is so sei Ort.
Spaziergänger: Jo, des kenn i. Des sogns bäm Bullfox aa un der bääßt noch am End doch. A jeder Hund hot so sei Ort.
Hundebesitzer: Ower der mocht wirklich gor nix, des kennas mir wirklich glaobn. Der bääßt net, der bööt net un der mocht a nix aof die Gooßn. Wissens, des is an Ahon, so sogt ma za deni, und der kummt va di oidn Indianer her, dej wo sömoi in Mexiko glejbt ham, göjjo Montezuma, so aner bist du, göjjo?
Spaziergänger: Wos sogns do? Der bääßt net, der bööt net un der mocht nix aof die Gooßn? Das i net loch!
Hundebesitzer: Waunnis Ihna sog! Der hebt net amoi sei Baa an die Baam un der kackst nix aofd Strooßn. Der miaßat aa iwerhaopt net naos aos der Wauning. Mir gehng ower trotzdem spoziern, damit er si die Fiaß a bißerl vertritt un damit er afd Luft kummt, göjjo Montezuma?
Spaziergänger: Ower waunn der gor nix mocht, jo wia verdaut 'n noch der? Wie mocht'n der sei Gschäft?
Hundebesitzer: Ma sogt, er dissimiliert. Der loßt ollas durch die Haot raos. Schauens nur moi, des bisserl Föö, wos der nur hot: Der is schier nockert. So kau er besser dissimiliern.
Spaziergänger: Ah, do hert si doch ollas aof. Sie wöjn mir an Bär aofbindn! Jetzt sogns grod, daß der aa nix frißt!
Hundebesitzer: Frejßn tuat er scho; ower net vü. Dem laungt olli Toog a Suppn mit am aosdrucktn Bluatwirschtl drin oder a klaani Lejwerwurscht. Wissens des kummt doher, wöa dej Hund friher bei deni Indianer in die Templ glebt ham, wo die Opfer brocht worn san, Sie verstehng? Die Menschenopfer, jo! Dej Hund ham durt nix zum Frejßn kriagt un ham drum des Bluat aofgschleckt, wos va die Opferstaa rootrepferlt is. Un waunn so an Hund sei Gschäjft gmocht hot, noch is er gschlong worn oder aa glei aof den Staa glejgt worn, denn dej Indianer worn sauberi Leit. Des wor noch an natirliche Aoslese, wie mer in der Wissenschoft so sogt. Nur Hund, wo des ollas mitgmocht ham, ham iwerlejbt.
Spaziergänger: Jo, un worum hot mer va deni Viecher bisher nix gheart?
Hundebesitzer: Wöas als ausgschtorm göddn ham! Erscht va am guatn Johr hot mei Vetter, der Professor Bendner - haums va dem scha moi wos gheart? Der Ralf Bendner, des is an Enkel vam Bendners Beppi aus Budaörs, dejn haums doch kennt, oder? Der Bendner hot dej Hund aufs Näächi entdeckt, in am klaana Dorf in Mexico.
Spaziergänger starrt ungläubig den Hund an: So, un dann ham glei Sie aan va deni Viecher mitbrocht kriagt. Wos net sogn!
Hund läuft zu einer Hecke und hebt sein Bein.
Spaziergänger: Ja, un irzt! Wos mocht'n der Hund grod? Der hebt jo sei Baa wieran jeder aundri Hund aa!
Hundebesitzer, erregt, nervös: Montezuma, Montezu... ha sowos. Hah, des mocht der irzt zum ollererschtn Moi! Obs mirs glaom oder net. Der is viellächt a bißl daasig, wöä Sie ihn so austiern. Montezuma kumm her, der Mau mocht dir doch nix!
Spaziergänger, grinsend und erst recht auf den Hund starrend: Na, na, der mocht dir nix. Der bööt net, der bääßt net un der hebt kaa Baa. Der Mau is grod bloß an a bißl an Indianer, wia seine Ahnderl, dej in Mexico die Menschn ogschlocht ham. Un des merkt der Hund, drum hot der Aungst, göjjo Montezuma! Grrrrrr!
Hundwinselt und drückt sich an sein Herrchen.
Hundebesitzer: Montezuma, sitz, Plotz, aos! Der Mau, der mocht dir doch nix, der mocht doch nur Spaaß! Jessas, jetzt schauens wia der Hund Aungst va Ihna kriagt! Der werd jo ganuz wienig!
Hund drückt sich noch näher an den Herrn, jault, spreizt die Beine und scheißt; dünnflüssig.
Hundebesitzer, ganz entsetzt: Jessasmariaantjoseph?! Wos is noch dejs? Montezuma, wos mochst 'n irzt do!?
Spaziergänger, lachend, im Gehen: Ha, ha, scha moi wos va Montezumas Rache ghearrt? An guatn Toog winsch i Ihna nau! Un nau a guats Dissimiliern!
Hund winselt leise; Hundebesitzer, schaut ganz entgeistert an sich runter, weinerlich: Jejsas, so a Schwänerä! Joi, Montezuma, des geht mir irzt ower noch, des sog i dir! Dem Spaziergänger nachschreiend: Sie ausgschamter Lippü, Sie! Sie Vorstodtindianer, wortns nur, waunn der Montezuma nau a bißerl wochst, wos der Ihna noch verzöht! Gejms nur Owocht, Sie folischer Fitzliputzli, Sie!
Einige Worterklärungen
sei Ort: seine Art
er bööt: er bellt
göjjo: gell ja, nicht wahr
die Gooßn: die Gasse
sömoi: damals
Föö: Fell
schier: fast
aofs Näächi: aufs Neue
wienig: wahnsinnig
Mau: Mann
Lippü: nicht übersetzbares Schimpfwort, ungefähr
"Kerl"
Owocht: Obacht, Achtung
folischer: falscher
© Rolf Thum, 2000